عاجل نيوز
يا فكي منقه وشريف وخالد ووجدي ومناع وعروه وباقي العٍرر تعالوا نتفاهم بالمنطق إذا لسع عندكم منطق
بدل تعملوا لينا #هاشاق عن #المجاعه في السودان إتكلموا لينا عن الأسباب هي شنو ؟ جاوبوا لينا على الأسئلة التحت دي .. عشان تقنعوا الشعب القاعدين تخاطبوهوا بالهشتقه بعد تقبضوا البشتقه والدرهمه !! ياريت الإجابه تكون شفافه ،،
هل الجيش هو الإعتدى على المواطنين في الخرطوم والجزيرة وسنار والفاشر ونيالا وزالنجي والجنينه وخلاهم ينزحوا من بيوتهم ؟
هل الجيش قام بإتلاف محاصيل الري المطري ومحاصيل الجزيرة وسنار وحرقها ودفنها في التُراب ؟
هل الجيش هو المشى للقرى وحاصرها وقًلع حق المزارع ونهب محاصيلوا وخلاهو لافي في الشوارع ؟
هل الجيش منع المواطنين من الاكل والشرب والعمل وشال بيوتهم ومزارعهم ومعداتهم ووداها بره السودان؟
هل الجيش قاعد يعتدي على المدائن بالتدوين عشان المواطنين ينزحوا من بيوتهم ؟
هل الجيش قاطع المساعدات الإنسانيه عن القرى المحاصره ومنع أهاليها من الوقود والمأكل والمشرب ومتخذهم رهائن ودروع بشريه؟
المزيد من المشاركات
إذا إنت كقحاطي بليد عامل لي هاشتاق #مجاعة_السودان وعايزني أباريك في خطك فمفترض تجاوب لي على الأسئلة الفوق دي بكل ضمير عشان أنا اباريك وأهشتق معاك ..
وخليك عارف يا متقزم صحي صحي
إنو إنت جزء لا يتجزأ من المؤامره دي وإنت مشارك في كل خطوة قاعده تتخذها #مليشيا_الجنجويد داخل السودان وإنت سبب أساسي في إكتمال المؤامرة الخلتك تهشتق بالمجاعه في السودان المستحيل تحصل .
لأنك ظهير حقيقي وحليف مستفيد من كل إنتهاكات #مليشيا_الجنجويد القاعده تمنع المواطنين من حقوقهم في الزراعه والرعي والتجاره إنت متقزم بحق وحقيقه لأنك للآن ماعارف إنو السودان ده بلد ملانه خيرات وفيها من المأكل مايكفي افريقيا والإمارات بكل العملاء الفيها ..
ياريت تبقي شجاع أولاً وتتكلم لينا عن المليشيا والجنجويد الدخلوا بلدنا وطردوا إنسانها وقلعوا حقوا وإغتصبوا بيتوا أهلوا وحرموهوا من إنو يزرع ويحصد وياكل ويبيع ويتصدق عشان مايجوع …… اخجلوا بالله عليكم أخجلوا ..
هل طالبتوا بخروج المليشيا والجنجويد من بيوت المواطنين ومؤسساتهم الخدميه ؟
هل طالبتم بمنع استجلاب المرتزقه من أفريقيا هل طالبتم بتجريم من يحاصر ويمنع الدواء والأكل والعمل ويقصف القرى والمدائن بالاسلحه الثقيله؟
إنتوا قايلين الشعب السوداني ده تاني حيباري ليهو متقزم ولا حيسمع ليهوا كلام قحاطي معفن مرتزقه عميل مرمي في المنافي !!
إذا جاوبتوا صاح حنديكم الدرجه الكامله وحنصفق ليكم جوه بره لحدي ما تموتوا ياعٍلب
