كشف المستور في توزيع الاغاثة | احد النازحات الي ابو حمد | مرة جات الإغاثة لبن بدرة ودقيق وزيت ومكرونة وصلصة شافو الحاجات دي كثيييرة علينا ك نازحين وزعوها لي أهلهم

عاجل نيوز

 

 

 

 

 

 

 

غاندي ابراهيم

 

 

 

ملف الإغاثة.. وغياب الضمير والوازع الديني

هذه هي رسالة من احد النازحات..وتقول في رسالتها؛ –

 

 

 

 

نحنا نزحنا نهر النيل ابو حمد

في قرية من قري ابوحمد والله الإغاثة جاتنا مرة شوال دقيق ومرة الإغاثة كانت عباره عن كيس ملح ونص رطل زيت وكيس عدس بس؟

 

 

 

والإغاثة بتجي شهري للمحلية ناس المحلية بيشلوا منها كفايتهم بجي تاني دور اللجان الشعبية في كل قرية والله ياغاندي والله علي مااقول شهيد..

 

 

 

بوزعوا لي أهلهم اقسم بالله العظيم واهلهم من ناس البلد ومواطنين مستقرين.

 

 

 

 

مرة جات الإغاثة عبارة عن لبن بدرة ودقيق وزيت ومكرونة وعدس وسكر وصلصة وبصل

 

 

 

شافو الحاجات دي كثيييرة علينا ك نازحين اقسم بالله العلي العظيم وزعوها لي أهلهم ونحنا بنعاين فيها

 

 

 

قالو دي حاجات جات للمتضررين من السيول ونحنا زاااتنا كان بيتنا القاعدين فيهو متضرر وقع جزء كبيير منه.

 

 

 

وزعوها لي واحده من أهلهم عشان عندها حيطة وقعت وشباك والله وضعها الاقتصادي عال العال.

 

 

 

 

حكيت ليك القصة دي عشان تشوف الظلم حتي اللجان الشعبية عندها دور ومافي عدل والقصص كثيييييره حتي جات أواني منزليه وبطاطين والله باعوها.

 

 

 

ونحنا لينا قريب السنتين مافي إغاثة بتجينا والمضحك كم مرة يجو ناس التسجيل يسجلونا ويمشو وناس المنظمات

 

 

بالواضح كدا بشحدو بينا وبعد تجي بياكلوها..

 

الله المستعان..