عاجل نيوز
هذه الرسالة بمثابة تحذير وانتباه ولفت نظر حقيقي لجميع الذين يستخدمون تطبيق الواتس .. الرجاء تعميمها بقدر المستطاع وإرسالها لكل من تربطكم به صلة حتي لا يقع ضحية احتيال ونصب
يبدأ عادة الاحتيال بالمكالمات أحيان عبر الواتس وأحيانا أخري إتصال مباشر ،
فاذا جاك إتصال عبر الواتساب وقال لك أنا مشرف بتاع القروب الفلانى ودايرين نضمك للعضويه او انت معانا في القروب وذكر ليك اسم القروب وقال ليك عاوزين نعمل تحديث للقروب وحيجيك كود رسلو لينا وبعد داك أعمل كلمة سر.
أياكم أن ترسلو الكود الذي يظهر لكم أثناء المكالمه ومن الأساس اوقف التواصل مع هذا الشخص في الحديث او الدردشه لانه محتال
المزيد من المشاركات
وعلي طول اقطع الحديث واحظر الرقم لان هؤلاء محتالين عايزين يخترقوا حسابك علي الواتساب ويدخلوا على حسابك من جهاز تانى.
وأثناء المكالمه بيطلبوا من ميتا وهي شركة الواتساب بارسال كود التحقق بتاع واتسابك وتقوم ميتا ترسل ليك فى تلفونك 6 أرقام كود التحقق تبع حسابك بالواتساب.
المتصل حيقول ليك ملينا ليهم .. أوعك تطلع زول على كود التحقق ولا حتى اقرب الناس ليك لان الكود ده بيدى إمكانية التحكم بالواتساب
والاطلاع على كل شئ عندك بالواتساب ويرسل ويدردش ويحتال ويرسل لقائمة الأسماء عندك ويطلب منهم مبالغ ماليه علي اساس انك محتاج ضروري ويعاكس وأحيانا ممكن يرسل صور إباحية لقروبات انت عضو فيها وكله بإسمك.
الناس يا جماعة لازم تزيد من الحس الأمني لانه الإحتيال أصبح منتشر والهكر في إزدياد واغراضه كتيره ونواياه غير سليمة
فأحذروا من كود التحقق وما تعطيه لى أى زول أياً كان …
نسأل الله أن يحفظكم
