هذا ماستتعرض له وانت داخل ميناء سواكن | فاستعد لكي لا تتفاجأ

عاجل نيوز

 

 

 

 

 

 

 

 

خلاص راجع السودان وانت داخل ع ميناء جدة، ف جماعه بجو يشيلو شنطك في عجلات او (ناقلة اغراض) ويمشو معاك خطوة بخطوة،

 

 

 

 

تدخل شوية في جماعه برشدوك يقولو ليك طوالي ادخل بهناك، وانت داخل م بتتخيل انو ده مجرد ميناء موظفين كتار، وتهيئة ونضافة وناس يفتحو النفس.

 

 

 

وناس الادخال والجوازات كتار يقابلوك بي بشاشة و اجراءك م بياخد اكتر من دقيقه تطلع بتلقى بص واقف تركب يوصلك للباخرة..

 

 

وتبدا رحلة المعاناة الحقيقية اللي هي مفروض تكون رحلة الراحة للأسف، اخر لحظاتك الجميله هي لحظاتك وانت ف الباخرة فوق وشايف ميناء سواكن بدا يظهر من هنا بتبدا الدرامات..

 

 

 

اول شي وانت ف الباخرة قبل م تنزل بتلقى 5 افراد من الشرطة، بقولو ليك شنو؟! بقولو شنطة واحدة تنزل ماف، طيب ليه؟! زول يشتغل بيك ماف ولو حكيتا معاهم يقولو ليك يا زول اجراءات امنيه، طيب استلما متين بقولو ليك بعد يومين!!!

 

 

تحاول تفهم الحاصل شنو وليه الاجراء ده اصلو م بتفهم، وللأسف الشديد ف احتمال كبير جدا شنطتك م تلم فيها، والشغله جابت بالقوة، ده طبعا م ناس الشرطه لا، ديل مواطنين زيي وزيك بنهبوك عديل..

 

 

 

المهم انت وشنطتك م بتمرقو سوا الا بي تسوية، وهم كلمتهم فوق الكل، البلد بلدنا وبحصل البنقولو مافي نظامي بفتح خشمو لانو هو زاتو بتبله..

 

 

دي م حملات اعلاميه، دي وقائع حااااااصله، وما من الليله ولا امبارح ليها سنين، لكن هسي زادت عن الحد لانو السفر بقى كتير والحركة كترت، والميناء بقى بدخل ب كثافة.

 

 

الموضوع محتاج وقفه ومعالجة سريعة من الجهات العليا، لأنو الحكاية بتجر لي مشاكل، وعدم ضبط، وده ما وقتو..