عاجل نيوز
كتب راصد جوي المنذر قائلا
عارفين الحصل شنو في ابوحمد اولا نقول الحمدلله على كل حال ربنا يعوضنا ان شاءلله ي جماعة ابوحمد في طاعة الله قادرين تتخيلو المطرة من الساعة 9 مساء شغالة حتى اذان الفجر.
ايوا دا الحاصل للاسف اكيد م هنقدر نقول شي دا كلو جاي من رب العالمين وم عندنا اعتراض بس نحب نقول ليكم الحاصل بالضبط اول شي البيوت ممكن بنسبة70% دي منهارة.
والاغلبية وقعت والسوق الدكاكين انتهت وحتى البيوت الطرفية مكانها بقى ميدان كلها اتمسحت ولو جينا للطواحين كلام براهو الشركات اتمسحت والدكاكين اتمسحت الباقي اقل من المنتهى .
المزيد من المشاركات
نقول الحمدلله على كل حال دا غير الخسارات في الارواح قبل الخسارات في الاموال والمستشفى حاليا مليانة اصابات وجرحى غير الاطفال الماتو وكبار السن .
ربنا يواليهم بالرحمة والمغفرة ان شاءلله نداء لاهل الخير شوفو اهلنا النازحين القاعدين في الخيم والبرد والموية ح تغرقهم انتو قادرين تتخيلو ابوحمد كلها بقت عبارة عن طبقة واحدة يعني الغني والفقير والنازح والمستوطن بقينا واحد الحمدلله راضين بحكمك يا رب.
اما اصوات انهيار المنازل فيسمع في كل اتجاه داخل المدينة دون فرز بين حي واخر .
شاهد الفيديو من هنا
