نادرا ما اكتب عن شهيد لانه الموضوع دا صعب جدا | معارك بحري زف البشير خبر استشهاد الحبيب يحي
عاجل نيوز
عاشرته في ميدان الرجال والقتال الرجل دا عنده ادب وتهذيب ماعادي بعيدا عن العسكرية الزول دا محترم لدرجه بعيده وفارس ثابت ثبات عجيب
من عجائب(الكدرو)
لمن امرق مامورية عشان نمشي نقابل الموت كان في رجال بمرقوا معانا نفير ساي لاشغلهم لاتعليماتهم لاقوتهم التابعين ليها بتطلع بي ٦٠ لمن تصل موقع العملية بتلقى معاك قدرهم مرتين
المزيد من المشاركات
كان من ضمنهم الحبيب يحي زول قناص ماهر كان بصر اصرار عجيب يوم راحته شغال ماشغال جينا مارقين عرفنا بجيني جاري وين ياعمك اقول لي داقشين الحته الفلانيه
بقول لي وداير تفوتني وين نحن مش متفقين اي دقشه تديني خبر خصوصا قوتنا ماكان فيها قناص لمن بدينا بقول لي يازول الموت دا اخير الزول يموت وهو زاكي الدعامه من يموت جوه ملجا مدسي ولا زاكنو الدعامه
الحمد لله نال مراده استشهد مقبل غير مدبر وزي ماقال زاكي الدعامه
فاللهم انه نزل عندك ضيفا وانت اكرم الاكرمين اللهم ارحمه وتقبله وتجاوز عن سيئاته مع النبيين والصديقين والشهداء وحسن اولئك رفيقا وكل شهدائنا يا الله
كتب النقيب الصديق الاخ محمد بابكر
