يا الاشاوس نلعب ليكم بي الكدراوية ومع الاحتياطي ولا براءون والمشتركة ولا المدرعات وكيكل هناك قافل صندوق

عاجل نيوز

 

 

 

 

 

 

 

زمان الاشاوس كانو واقفين علي الهبشه اي منطقه ناس الفيس يقولووا الجيش سيطر عليها يجو جارين ليها جري يتصورو فيها ويرفعه ضغطنا لكن شايف الشغله دي وقفت

 

 

 

 

 

بقوا مساكين ساي لا اتصوروا في الحلفايا ولا السامراب ولا اي كبري ولا المقرن ولا كافوري ولا العزبة ولا شارع الإنقاذ اما الجزيرة دي فحدث ولا حرج … حري دنقاس

 

 

 

 

أمس الثلاثاء استطاع الجيش أن يستلم  موقعهم ومقر قيادتهم  ف الشقلة برضو ساكتين ياااشاوس الوضع الحالي ده والله موت مجاني ساي ياخ المسيرات كملتكم ولا المشاه بلوكم

 

 

 

ياخ هسي ماعارفين نلعب ليكم بي منو زاتو اقسم بالله تشكيله كلها نار وشرار

 

 

 

نلعب ليكم بي الكدراوية ومع الاحتياطي ولا براءون والمشتركة ولا المدرعات وتكساس ولا ماركوني وناس الهيئة وكيكل هناك قافل صندوق

 

 

زمان الشهيد عثمان مكاوي قاله  ليكم بي وضوح بنهزمكم تكتيك بس …

 

 

 

والله تكتيك الجيش الحالي يهزم كل جيوش افريقيا وكل ذلك بفضل الله  …. علي قدر حجم المؤامره ربنا قوانا