ما تنساق لخط الفتنة والتشكيك في قواتك ❗️عارف خسرانين شنو ؟ وكم ؟ وكانو بياكلو شنو وبتعالجو بشنو ؟

عاجل نيوز

 

 

 

 

 

 

 

 

عارف نسخة الصياد الاولي خسرو كم ؟ وفقدو كم ؟ عارف المفقودين لغاية اللحظة كم ما معروف عايشين ولا استشهدوا ولا مسجونين ولا وضعهم شنو ؟..

 

 

 

عارف الهجانين خسرانين شنو ؟ وكم ؟ وكانو بياكلو شنو وبتعالجو بشنو ؟ عارف البراؤون عشان يصلو لحدي الابيض حصل معاهم شنو وقدمو كم شهيد ؟؟ عارف الفقدو رجلينم بس كم ؟؟ عارف الجهاز فقد كم ؟ وخساراتو قدر شنو ؟

 

 

 

 

ما تنساق لخط الفتنة والتشكيك في قواتك الابيض دي بتتدون من بداية الحرب والجنجويد ما يخافو الا من طريقة قتال الزول الهجاني دا .. والعسكريين يعلمو الشي دا تماما

 

 

 

 

عشان كدة اعتمدو التدوين اكتر من المواجهة الابيض اتدونت اكتر من امدر بس اعلامنا ضعيف ويداب شبابنا بدو يلمو اطرافهم ويتوحدو …

 

 

 

 

الصيادين ما قصرو والله العظيم الزول كتير اليأس والإحباط لو عملو ليهو تفاصيل الصياد دي كسناريو منذ التأسيس وقراهو بتركيز ما حيحبط ولن ييأس وحيصل وحينجح .. الشباب ديل عملو معجزات عددديل اي والله ..

 

 

 

 

انا واحد من الناس ما كنت متوقع في يوم اشوف الصياد جوة الابيض ولا بحلم انهم يصلو الرهد لكن الناس ديل اوريك سر نجاحهم وين ؟ كل خسارة او شهيد بيسقط كان دافع ليهم . واقرب مثال الرهد دي دخلوها بسبب خسارة

 

 

 

والكلام الكتير والتعب والشقي والسهر والمعاناة والجوع والمرض والشهداء والدموم والاشلاء داااا كلو عشان كردفان والابيض والرهد وام روابة ..لانو هم ابناء المناطق دي طلعو منها مغدورين ولانو المواطن دا ابوهو ولا امو ولا اخوهو ..

 

 

 

مليون صفحة ما حتكفي لكتابة كمية التضحيات القدموها الرجالة ديل .. ندعمم ونقيف معاهم للنهاية والله العظيم لو قدمنا ليهم عيونا وارواحنا ما بتكفي جزء بسيط من القدموهو

 

 

 

قلتها كتير قبل كدة القيادة لو كان اشتغلت مع المعركة دي من البدايه بالزعل والغبينة .. كان الليله حاكمنا بن زايد وابناء دقلو ال.. ..

 

 

القيادة عندها تقديراتها تهجم وقت ماهي شايفه انسب وتنسحب وقت ماهي شايفه انسب هم ادري مني ومنك ومن الجميع ..

 

 

 

ندعم الناس ونشد من أزرهم والدعاء سلاح اقوي مننا ومنهم ..

 

 

 

هم مايلين للشرك وبأمنو بالشيوخ والطلاسم والفقراء ونحنا ولله الحمد ما حصل شفت لي عسكري جيش دارع حاجب وبتسابقو للشهادة سبق ..

 

 

 

 

ودا في مصلحتنا كترو ليهم الدعوات ونحتسب الشهداء وما تأثر فيك ميديا ولا فيديوهات لو جيشك زمان كان قوي الان اضرب القوة دي في سبعه الامور طيبة ولله الحمد وهانت