عاجل نيوز
يعني الضارب للمدفع أو أي مصيبة بدق الدانة الأولى وباللاسلكي في زول بوريهو الدانة دي وقعت وين و بصوبو يقوليهو أمشي شمال شويه أمشي يمين وهكذا
حسي في تدوين أو مسيرات أصابت منطقة معينة طوالي في قروب بخص المنطقة دي واحد بحساب وهمي كاتب يا أخوانا ورونا الدانة دي وقعت وين والناس بحسن نية بتجاوب وبترد
و في احتمال كبير جدا انو ده كلو عشان الضارب يصحح هدفو أكتر وده شغل استخبارات من العدو
المزيد من المشاركات
ياخي حتى لو جاءت دانة أو مسيرة وضربت موقع معين ما من المصلحة نقول تم استهداف المنطقة الفلانية بدانة لانو كده أنت صححت ليهو بالمجان وتاني حيستهدف المنطقة دي
ليه ما يكون عندنا الحس الأمني العالي والحرب خدعة مثلا ضربت المسيرة أو الدانة منطقة س نجي في الميديا ونقول المسيرة وقعت في المنطقة ص
لازم الفهم ده نستصحبو معانا الحرب دي محتاجه حسك الأمني يكون عالي جدا ولازم يكون المجتمع كلو على قدر هذه المسؤولية
العفوية و البساطة و الطيبة ما بتنفع في مواقف كهذه ولنا في رسول الله صلى الله عليه وسلم أسوة حسنة الذي قال : “الحرب خدعة
