تقول لي يغتالو عبد الرحيم…دا راجل مريح وبيسلمك الحاصل في اروقتم ودهاليزم براااا دبر عنزاية.

عاجل نيوز

 

 

 

 

 

 

 

استطيع ان ادعي انو حضرت تنويرات عبد الرحيم دقلو اليوم في نيالا جنوب دارفور ظهر اليوم وعصر اليوم والتنوير المسائي بتركيز عالي وتمعن وقراءة وتحليل …التنويرات للشرطة…وتنوير الادارة الاهلية …وتنوير الشباب ..

 

 

 

طبعا الزول ما عندو امكانيات لاخفاء تعابير وجهو ولغة جسدو البتوضح لاصغر متدرب او هاوي في مجال دراسة انماط الشخصية ولغات الجسد وعلم النفس التحليلي ماذا يخفي وما هي مخاوف الرجل …..

 

 

 

 

لاول مرة عبد الرحيم يتحدث بلغة التهديد والوعيد مع حاضنتو …..وكمان ما مجرد حاضنة مناطقية كعرب دارفور بصورة جامعة…لااا…مركز الحاضنة نيالا….

 

 

 

 

يهدد ويتوعد الادارات الاهلية لأهلو واقرب الناس ليهو وناسو بالقتل ويقول عديييبل(اي زول ضد الاستنفار يقتل طوااالي..يتصفى طوااالي…نديهو رصاص)

 

 

 

دا بيأكد انو اول مخاوف وهواجس الرجل ضعف التجيييش والحشد …

 

 

 

وانو في ناس كتااار من عمق حاضنتو واهلو وناسو اتملصو من القصة دي ورفضو الاستنفار والمشاركة في القتال…

 

 

 

 

 

اذا قرنت تصريحو دا بتصريحاتو امس عن العساكر والجنود والضباط الهاربين من الخدمة وتهديدهم بالفصل والمحاكمة

 

 

 

 

 

وفي توضيح اخر لما نقول ولتحليلنا دا قال عبد الرحيم ( اي قبيلة او بتاع ادارة اهلية ما يدعمنا تاني ما بيقعد معانا…يا نحنا ياهو)…..

 

 

 

 

الرجل يرتجف خوفا وآثار السهر والرعب تبدو جلية في حركة الأعين واطراف الاصابع وعدم قدرة الجسد على الثبات اثناء الحديث والتمايل يسرة ويسرى وللامام والخلف

 

 

 

 

تعكس مدى التوتر وضعف الثبات الانفعالي بصورة جلية …مع حالة تناثر رزاز اللعاب اثناء الحديث(البصاق…ههه…ما يعكس الغضب والهياج

 

 

 

 

تقول لي يغتالو عبد الرحيم…دا راجل مريح وبيسلمك الحاصل في اروقتم ودهاليزم براااا دبر عنزاية…..هههه

 

ا