الضعين ولعت | إشتباكات بين الدعامة قتل فيها حتي الآن اثنين من قاداتها | والناظر مادبو محبوس في منزله 

عاجل نيوز

 

 

 

 

 

 

 

 

محمد عبدالرحيم

♦️الناظر مادبو في فتيل [محبوس في منزله ]

■إشتباكات بين المليشيا في الضعين قتل فيها حتي الآن اثنين من قاداتهم هما القائد عبد الحليم جمعة والقائد طارق

 

 

 

 

السبب في ذلك هو استنفار الأفراد القدامي المعردين للتحرك نحو الفاشر ..الأفراد رفضوا الأوامر والتعليمات

 

 

 

 

■ المليشيا قالت ليهم رجعوا لينا عرباتنا وسلاحنا المعردين قالوا ليهم ادونا قروشنا وتعويضاتنا شلتونا لحم ورميتونا عضم وحميدتي لو جاء ذاتوا ما بنرجع العربات ،الحربة دي فقدنا فيها اخوانا وطلعنا سليقة ساي (شوربة بدون لحم )

 

 

 

 

■ تدخلت مجموعة المكسرين والمقطعين أصحاب الارجل والايادي المبتورة مع المعردين و قاموا بالسباب بكل الألفاظ المسئية لي قيادة المليشيا وقالوا دي جزاتنا تدونا حديدي نمشي بيها ..

 

 

 

 

مفروض التعويض يكون الرجل بي 30 مليار( بالقديم) .واليد بي 25 مليار (بالقديم )عشان نعمل دكاكين وبقالات ونقدر نعوض باقي عمرنا ونعيش اولادنا..نحنا مستقبلنا ضاع في الحربة دي ….

 

 

 

 

■ أسر المقطعين واصحاب العاهات اجتمعوا مع وكيل الناظر مادبو وقالوا ليه كلم أبونا الناظر عاجبك حال أولادنا المستقبلهم ضاع بدون اي مقابل حنى الآن وكل مرة توعدونا وكلو كلام في الفاضي نحنا دايرين تحدد لينا تاريخ عشان نعرف تعويضاتنا بتجي متين دايرين نحصل بيها موسم الخريف للزراعة ..

 

 

 

 

أصبح الناظر يتهرب بأنه مريض لا يستطيع القيام من السرير خصوصا بعد مشكلة النازحين بعد تدخل الشرطة والان أصحاب العاهات الخاصة والمعردين…

 

 

 

 

■ الناظر مادبو الان محبوس داخل منزله لايستطيع الخروج خطوة واحدة خارج منزله بأمر النازحين وأصحاب العاهات المقطعين ويقول عليهم ديل شرابين البنقو ما عندهم احترام للكبير مما جعل ود عمه يتصدر المشهد هذه الأيام ويتحمل الإساءة والسباب من أصحاب العاهات المستديمة ..الايام القادمة حبلى بالمفاجاءات…