حساب يا دويلة | شنو حكاية دعوى السودان ضد الإمارات ❓️ والي اين وصلت القضية حتي اليوم 17 أبريل
عاجل نيوز
أنيس منصور
السودان اشتكى الإمارات قدام محكمة العدل الدولية (ICJ) لأنها بتدعم مليشيا الدعم السريع بالمال والسلاح والدرونز، وده أدى لمجازر ضد المدنيين في دارفور وباقي السودان.
السودان قال إن الإمارات خرقت اتفاقية منع الإبادة الجماعية.
وين وصلت القضية؟
• المحكمة بدأت الجلسات يوم 10 أبريل 2025.
• السودان طلب تدابير مؤقتة (زي أمر بوقف الدعم العسكري فوراً).
• لكن لسه المحكمة ما قررت.
طيب الإمارات ردت شنو؟
المزيد من المشاركات
• الإمارات قالت إنها ما وافقت على المادة (9) من الاتفاقية، ودي المادة البتسمح للدول تشتكي بعض في المحكمة.
• يعني بتحاول تقول للمحكمة: “ما عندكم صلاحية تحاكمونا.”
السودان عمل شنو؟
• عدل الدعوى وقال للمحكمة:
الإمارات مش بس خرقت الاتفاقية، دي أصلاً قاعد تخرق القانون الدولي كلو، ودا يدي المحكمة حق تنظر في القضية حتى لو الإمارات عندها تحفظات.
• السودان جاب أدلة قوية: تقارير أممية، صور أقمار صناعية، وشهادات عن شحنات سلاح من الإمارات لتشاد ومنها للدعم السريع.
الخلاصة؟
• السودان واقف وقفة قانونية قوية.
• القضية لسه ما انتهت، لكن العالم بدأ يسمع.
