رجل يتابع كل تفاصيل العرس ويضمن انسياب الاحتفال دون أزمات
متابعات – عاجل نيوز
هي حكاية منقولة من واتساب: عريس عندو صاحبو مسك قروش العرس.. العريس قال ليهو: اديني حق الصالة والعشاء، صاحبو العيّن نفسو وزير العريس قال ليه: ما عليك إلا تجي تبشر بس.
وبعد كم يوم جا للعريس قال ليهو شايف صرفك كتير، جيب حق شهر العسل عشان ما تاكلو، اها لحد ما العرس فضل ليهو 5 يوم الجماعة ما عارفين الصالة وين؟؟ .
والموضوع دا عمل ربكة للمعازيم وحالة نفسية لأهل العرسان، وزولنا يزوغ من الأسئلة، وحتى حجز شهر العسل يكون في ياتو بلد قال خلوها مفاجأة، .
وحتى حق الفنانة (القونة) المشهورة صبنو في جيبو، ولما العرس بقى تاني يوم، الزول قفل تلفونو واختفى والجماعة راسم ضـ ـرب….
المزيد من المشاركات
يخشو يمرقو ساااي، والعروس دورت السكليب. أها الكبار من أهل العرسان اجتمعو قالو: السترة والفضيحة متباريات واتفقو يمشوها بالساهلة وعقدو ليهم وعملو ليهم كرامة صغيرة ولبسوهم الزفاف واتخارجو على شقة في الصافية اجرها ليهم عم العريس 3 أيام
العريس قاعد في شقة الصافية والعروس تهرج فيهو، صاحبو المختفي بتاع الترتيبات اتصل بيهو، طوالي العريس هاج وانفعل وشتـ ـم الراجل شـ ـتيمة الأراذل،.
لكن الراجل قال ليهو بكل برود: ما تكورك انا واقف برة قدام العمارة، تعال، وكان داير تضـ ـبحني زاتو جيب معاك سكاكـ ـينك..
طلع برة والعروس لحقتو بي توب الهزاز في الشارع عشان تمنع الشكل والد م المتوقع، لقو الزول واقف جنب دفار،.
وقال لي صاحبو: دا عفش بيتك طقم جلوس وتلاجة وغرفة نوم وسراير ومراتب وبتوجاز وانبوبة ومكيفات وخلاطة وفرن وطرابيز وشاشة وغسالة وكل شي للرسيفر جاهز .
عشان تفتح بيتك وديل باقي قريشات مصاريفك، وحلف ليهو انو كان متابع العقد وكل التفاصيل من بعيد لبعيد واطمئن عليهم لحد وصلو شقتهم…
وقال انو كان ما هاين عليهو انو يبعزق شقا العمر عشان الناس تأكل وترقص وتتعاور يوم واحد وخلاص، وهو يخسر مليارات في الفارغة في ساعتين
رأيكم شنو في وزير العريس دا؟ وبعدين زول زي دا نجيض وعارف السوق ويقدر يشتغل كتامي ويضغط المصروفات أكيد ينفع في الموضوع داك وبدون ما يتسرب الخبر
