عاجل نيوز
المزيد من المشاركات
حااتكلم ليك عن الوضع العايشو مواطن بحري لحدي الآن الشعبية جنوب الدناقلة شمال جنوب الديوم المرغنية الصبابي حلة حمد وخوجلي الختمية الأملاك لاكھرباء ولاموية في ناس قاعدين ھناك ايوة بس بي اعداد بسيطة جدا طيب في مناطق فيھا كھرباء ايوة بس بتقطع ممكن لي ايام وبترجع الموية كيف اغلب الناس بتاخد من الابآر وطبعا غير صالحة للشرب مؤية الشراب بتجي من وين في ناس بتشتري البرميل بي ٨ الف وفي ناس بتمشي تاخد من موية ويتا وسيقا تملا البراميل وتشيل في درداقة لحدي البيت وفي برنامج بتاق سقيا بجي دفار في الاسبوع مرھ واحدة اما المستشفيات مافي مستشفي شغال في بحري عندنا المركز الصحي بتاع الشعبية ھو الشايل بحري كلھا وفي مركز صحي العزبة تاني الا الحاج يوسف او شرق النيل
اما الوضع المعيشي اغلب سكان بحري بياكلو من التكايا التكية بتديك وجبة واحدة في اسواق شغالة منھا المركزي واسواق داخل شمبات الحلة والشعبية وميدان عقرب لكن الاسعار فوق طاقة القاعدين ومافي سھولة للحركة
حالنا الحمد لله احسن من اول الحرب الناس قدرت ترتب الاوضاع خصوصا في موضوع الموية اما موضوع الدخول للبيوت الكان زمان وقف ولا عشان بقينا شوية في بحري
نحن بخير الحمد لله اما الأمن والامان الله خير الحافظين
الجمعة 12.7.2024
