تقرير حديث تفصيلي شامل لودمدني | اماكن تواجد المليشيا و اعدادها | إرتكازاتها | الوضع الخدمي والامني | اماكن بيع السلاح ، الوقود ، المخدرات
عاجل نيوز
كبري البوليس :
تجمع بسيط للمليشيا وهناك في الحافلات والبصات السفريه في مستشفى التأهيلي متواجدين بعدد بسيط.
قدام المستشفى في ارتكاز، تمش كدا للحصاحيصا الشارع كلو ارتكازات ضعيفه هدفها جمع القروش من العربات التي تحمل المواطنين( بقولو ليك حق البوابه ).
انقطاع للمياه والكهرباء والانترنت.
في مبادرة تكايا في عدد من الاحياء (صف البليله) بنتمنى الناس تدعم الفكره دي لانو الاوضاع المعيشه سيئة جدا.
الحصاحيصا فيها كميه من الجن جويد في السوق وسوقها فيو شبكات استار لينك ونقطه بيع وقود وسلاح ومخدرات للمليشيا.
السكان بساط جداََ مع كثره نهب المواطنين.
الكريبه : فيها كميه من الارتكازات واغلب سكانها متعاونين.
الميناء البري (مدمر ).
•السوق الصغير( صينيه التلج):
ارتكاز للجنجويد.
• السوق الشعبي البصات كانت شغاله مع وجود بسيط لإستخبارات الجنجويد.
• الكهرباء: الجنجويد قاعدين تحت الشجره مع ستات الشاي.
• كبري حنتوب: ارتكاز كبير للمليشيا ونقطه بيع وقود مع وجود دبابه محروقه لكن الطيران ما قصر تب.
•عتره :
فيها متعاونين كتار مع انتشار للنهب.
• تقاطع مدرسة الاميريه: ارتكاز مرتزقه عددهم بسيط بدون عربات قتاليه.
•شارع النيل: القسم الاوسط مدمر وقاعدين تحت الشجر مع ستات الشاي بعدد بسيط.
• جنينة الاسماك : كانت معسكر لمستنفرين المليشيا
•صينية الماليه:
كان فيها ارتكاز بعدد بسيط.
• ميدان المولد:
فيو ارتكاز مع وجود مدرعه تحت الشجره بالقرب من نادي المريخ.
• ود ازرق ارتكاز الشرطه العسكريه بشارع البحيريه بقيادة ابو القاسم.
• شارع الزمالك:
حزين جدا عباره عن عفش ناس مجدع في الشوراع و مليشيا مع ستات الشاي ومطاعم في صالة الزمالك.
• كازبلانكا:
نقطة بيع وقود وكان فيها ارتكاز ضعيف.
• الاسماعلي:
سوق للمواد التموينيه وعفش الناس المشفشف ووراء الخماسيات بيع بنقو وحبوب.
• ام بارونه خاليه من الجنجويد.
• شقق ابو صلاح:
كان فيها المتمرد جلحه.
• بالقرب من شجرة مهدي ارتكاز ضعيف.
• السوق المركزي:
اكبر منطقة تجمع للمليشيا واهم نقطة بيع للسلاح والوقود.
• حلة محجوب:
سوق لجميع المنهوباات.
• المنيره ارتكازات بسيطه مع وجود المليشيا بكثافه داخل العمارات.
• تقاطع عوضة الثلاجه:
نقطة بيع للوقود وتجمع للمليشيا.
• لفة سنار: ارتكاز للمليشيا.
• عوضه سوق للمواد التموينيه المسروقه وعفش البيوت المشفشف.
• *السوق الكبير مدني:
كميه من الدكاكين محروقه مع خراب لا يصدق ونهب معظم مافي السوق.*
• شارع المكاتب(شارع وقيع الله):
المكاتب مفتحه وفيها لسه شوية كتب.
• سوق الجمله تم نهب جميع الدكاكين.
المزيد من المشاركات
• الشوارع: عباره عن دكاكين مفتحه ومنهوبه عربات مجدعه في الشوارع ومشلعه وارتكازات
• قيادة الفرقه الاولى مشاة فيها وجود للمليشيا مع مدفع 23امام البوابه.
• شارع النص البطلعك في نادي ضباط الشرطه:
فيو ارتكاز شفشفافه وبتلبطو في الماشي والجاي
• سوداتيل بالقرب من مستشفى مكى: ارتكاز للمليشيا عندهم هنا واحد اسمو مولاهم جبريل.
• القسم الشرقي:
ارتكاز ضعيف للمليشيا.
• نادي الاتحاد:
بالقرب منو عمارة استخبارات المليشيابقيادة الامين بشاره.
• نادي النهضه: بالقرب منو في العمارة البيضاء ارتكاز العمل الخاص للمليشيا.
• اخر محطه مايو 40 نقطة شبكة استار لينك مع تجمع بسيط عند ستات الشاي.
•جنوب الجزيره (الحوش) :
شبه خاليه من المواطنين مع وجود للمليشيا.
جنوب الجزيره: معظم الارتكازات مرتزقه من دولة جنوب السودان وبالتحديد ارتكاز 77
على العموم الوضع ما كويس وما كعب.
• الاسواق:
1/سوق حلة محجوب.
2/سوق عووضه.
3/سوق محطة الماسوره في مايو طرف.
4/سوق الاسماعيلي.
5/السوق الرئسي كان في تمبول وبعض التجار بستوردو البضاعه من تمبول.
الاسواق دي فيها البضائع وعفش الناس بتجيبها المليشيا وطبعا بتكون من هوبه اول ايام كانت رخيصه بالتحديد المواد الغذائيه والصابون الاسواق دي اسعارها ارتفعت
وبقت الحاجات فيها نادره وانتعشت مره اخرى سنجه المليشيا نقلت كل بضائع سنجه الى اسواق دقلو في مدني وبعدها انتقطعت وحصل نفس السناريو حصل بي احداث تمبول.
الكاش:
الجنجويد عندهم حسابات بنكك وبدوك كاش بنسبة 15٪ووصلت الى 20٪ونتوقع مع تغير العمله تنقص اكتر.
المواصلات: عباره عن كوارو الحمير والحصين.
• الشبكه:
الاستار لينك وعند المليشيا فقط الساعه بي 2000جنيه.
• الوضع الامني:
حاميها حراميها النهب المسلح معظمو عن طريق الجنجويد السايقين مواتر والارتكازات تجي ماشي بوقفوك بي حنك انك عسكري وبشيلو العندك.
عشان تصل الشبكه الا تكون راكب تلفونك سرج ولو لما فيك ود حرام بي موتر بفتشك واشيلو منك.
• اسعار السلع الاستهلاكيه:
معتمده على وضع الجنجويد في الميدان دخلو منطقه جديده بنهبوها وبجيبو حاجاته السوق
بلوهم في الميدان الاسعار بتكون غاليه.
• المتعاونين: معظم الشباب الفاسدين وبالتحديد البتعاطو مخدرات واصحاب الزمم الضعيفه.
•مايو نص محطة البنا:
ارتكاز داخل الحي للمتمرد الفرزدق ودا قالو سلم مع كيكل.
• تجي ماشي بي ارتكاز تكون شايل هم بوقفوك احياناََ بتلبطو فيك بحجة انك عسكري بتديهم اثبات هويه وبتمش ولو لميت في واحد سكران ببرمج بيك اليوم كلو.
• الجار:
منهم الجار البار وديل حفظهم الله ورعاهم في جيران كانو مثال للجار المثالي ونفذو وصية الرسول صلى الله عليه وسلم.
ومنهم من سرق ونهب جاره وارشد على منزله والعياذ بالله.*
– نازحين المدارس:
– بعضهم طلعو خلاية نايمه واول ما الجنجويد دخلو مدني لبسو الكاكي وسرقو ونهبو بيوت المواطنين واحتلوها وظهروا لينا على حقيقتهم .
حال المليشيا:
• مليشيا الجنجويد من دخولها الى ود مدني تمارس الارهاب والنهب والسلب في حق المواطنين العزل.
• عشان تتحرك داخل مدني لازم تكون بدون مؤخذه بمصدر غير لائق (هدوم مبهدله _ تربي شعرك) لانو لو بقيت حمت نضيف ومقيف طوالي بقولو عليك فلول.
• المليشيا لمن دخلت ود مدني ما كانت بتعرف دا بيت عسكري ولا دا بيت مواطن ولا هنا في مخزن ولا غيرو بعض ضفاء الانفس افادوهم بالمعلومات دي (ودا اعتراف من المليشيا نفسها)
• الشباب الاتعاونو مع المليشيا اول ايام كانو عاملين فيها اسياد البلد وفرحانين بمال الحرام والمنهوبات والملاقيط والان والله مزلولين والمليشيا لاتثق بهم ابداََ وفي حالة ندم وما عندنا ليهم اي شي اتبلو بس.
• تمت سرقة جميع الواح الطاقه الشمسيه وبالتحديد (بيارات مياه الشرب ) ونقل الالواح الى الخرطوم ومن الخرطوم الغرب ودا سبب ازمة المياه في ود مدني.
• تم نهب زيوت جميع محولات الكهرباء قالو بعملو بيها بنزين دي كيف الله اعلم.
